| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 20.95 | Dem. 20.98 (English) | >>Dem. 20.101 |
20.97οὔκουν ἐναντίον , ὦ ἄνδρες Ἀθηναῖοι , τῷ “κυρίας εἶναι τὰς δωρειάς , ὅσας ὁ δῆμος ἔδωκε ,” τὸ “μηδένʼ εἶναι ἀτελῆ ” τούτων οἷς ὁ δῆμος ἔδωκεν ; σαφῶς γʼ οὑτωσί . ἀλλʼ οὐκ ἐν ᾧ νῦν ὅδʼ ἀντεισφέρει νόμῳ , ἀλλʼ ἅ τʼ ἐδώκατε , κύρια , καὶ πρόφασις δικαία κατὰ τῶν ἢ παρακρουσαμένων ἢ μετὰ ταῦτʼ ἀδικούντων ἢ ὅλως ἀναξίων , διʼ ἣν ὃν ἂν ὑμῖν δοκῇ κωλύσετʼ ἔχειν τὴν δωρειάν . λέγε τὸν νόμον .ἀκούετʼ , ὦ ἄνδρες Ἀθηναῖοι , καὶ καταμανθάνετε , ὅτι ἐνταῦθʼ ἔνι καὶ τοὺς ἀξίους ἔχειν τὰ δοθέντα καὶ τοὺς μὴ τοιούτους κριθέντας , ἐὰν ἀδίκως τι λάβωσιν , ἀφαιρεθῆναι , καὶ τὸ λοιπὸν ἐφʼ ὑμῖν εἶναι πάνθʼ , ὥσπερ ἐστὶ δίκαιον , καὶ δοῦναι καὶ μή . ὡς μὲν τοίνυν οὐχὶ καλῶς οὗτος ἔχει καὶ δικαίως ὁ νόμος , οὔτʼ ἐρεῖν οἴομαι Λεπτίνην οὔτʼ , ἐὰν λέγῃ , δεῖξαι δυνήσεσθαι · ἃ δὲ πρὸς τοῖς θεσμοθέταις ἔλεγεν , ταῦτʼ ἴσως λέγων παράγειν ὑμᾶς ζητήσει . ἔφη γὰρ ἐξαπάτης εἵνεκα παραγεγράφθαι τοῦτον τὸν νόμον , ἐὰν δʼ ὃν αὐτὸς ἔθηκεν λυθῇ , τοῦτον οὐ τεθήσεσθαι .
20.99ἐγὼ δʼ , ὅτι μὲν τῇ ὑμετέρᾳ ψήφῳ τοῦ τούτου νόμου λυθέντος τὸν παρεισενεχθέντα κύριον εἶναι σαφῶς ὁ παλαιὸς κελεύει νόμος , καθʼ ὃν οἱ θεσμοθέται τοῦτον ὑμῖν παρέγραψαν , ἐάσω , ἵνα μὴ περὶ τούτου τις ἀντιλέγῃ μοι , ἀλλʼ ἐπʼ ἐκεῖνʼ εἶμι . ὅταν ταῦτα λέγῃ δήπου , ὁμολογεῖ μὲν εἶναι βελτίω καὶ δικαιότερον τόνδε τὸν νόμον οὗ τέθεικεν αὐτός , ὑπὲρ δὲ τοῦ πῶς τεθήσεται ποιεῖται τὸν λόγον .
Νόμος
20.98
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 20.95 | Dem. 20.98 (English) | >>Dem. 20.101 |
